Íyo na̠ kuvi chintieé tá’án xí’in-ún átu kökuvi cha’vi-ún xa̠’á ve’e nu̠ú íyo-ún saá chi xíka kue̠’e̠ COVID-19

Átu níka-ún xǔ’un xa̠’á ve’e nu̠ú íyo-ún ra átu ntí’i ini-ún chi kúni̠ na̠ xi̠tǒ’o taxín-na̠ yó’o̠, ná kunta̠a̠ ini-ún ña̠ íyo u̠ni̠ ichí.

ÍYO NA̠ KUVI CHINTIEÉ TÁ‘ÁN-NA̠ XÍ‘IN-ÚN NÁ CHA‘VI-ÚN XA̠‘Á VE‘E NU̠Ú ÍYO-ÚN. Íyo kua̠‘á ve‘e nu̠ú estado yó‘o nu̠ú kuvi chintieé tá‘án-na̠ xí‘in na̠ yuví ná cha‘vi-na̠ xa̠‘á ve‘e nu̠ú ntée-na̠. Kuvi ka̠‘a̠n-ún xí‘in-na̠ ná kunta̠a̠ ini-ún na̠xa kuvi sákutú-ún tutu ná chintieé tá‘án-na̠ xí‘in-ún ra saá tu kuvi ka̠‘a̠n na̠ xi̠tǒ‘o ve‘e-ún xí‘in-na̠.

Yó‘o íyo tutu ña̠ ká‘a̠n xa̠‘á tá iin ve‘e nu̠ú chíntieé tá‘án-na̠ xí‘in na̠ yuví: https://www.commerce.wa.gov/serving-communities/homelessness/eviction-rent-assistance-program/

Átu kúma̠ní xi̠nu-ún 25 kui̠ya̠, ná ka̠‘a̠n-ún xí‘in na̠ ve‘e nu̠ú chíntieé tá‘án-na̠ xí‘in na̠ kuáchi ra xí‘in na̠ îtiá ná cha‘vi-na̠ xa̠‘á ve‘e nu̠ú ntée-na̠. Yó‘o íyo tutu ña̠ ká‘a̠n xa̠‘á-ña̠: https://www.commerce.wa.gov/serving-communities/homelessness/youth-and-young-adult-eviction-rent-assistance-program/
ÍYO VE‘E NU̠Ú CHÍNTIEÉ TÁ‘ÁN-NA̠ XÍ‘IN NA̠ YUVÍ NÁ KOO YU‘Ú-NA̠. Kuvi ka̠‘a̠n-ún xí‘in na̠ ve‘e nu̠ú chíntieé tá‘án-na̠ xí‘in na̠ yuví ná koo yu‘ú-na̠ ra saá tu kuvi ka̠‘a̠n na̠ xi̠tǒ‘o ve‘e-ún xí‘in-na̠. Íyo ve‘e ikán ntisaá condado. Na̠ ve‘e ikán kuvi chintieé tá‘án-na̠ xí‘in na̠ yuví tá kúni̠ na̠ xi̠tǒ‘o taxín-na̠-na̠. Yó‘o íyo tutu ña̠ ká‘a̠n xa̠‘á-ña̠: org/locations
ÍYO NA̠ KUVI KUNTICHI-NA̠ XA̠‘Á-ÚN NU̠Ú NA̠ NTÍSO CHIÑU ÑUU YÓ‘O. Na̠ yuví na̠ ntáki‘in estampilla á iinka xǔ‘un ña̠ táxi na̠ vechiñu xí‘in na̠ yuví na̠ ntá‘vi – na̠ sákanáa lo‘o ka $25,760 xa̠‘á iin na̠ yuví á $53,000 xa̠‘á ko̠mí na̠ yuví – kuvi ntukú-na̠ ná chintieé tá‘án iin abogado xí‘in-na̠ átu ntúkú na̠ xi̠tǒ‘o ve‘e-ún ná taxín na̠ vechiñu yó‘o̠. Ná ka̠‘a̠n-ún xí‘in na̠ xí‘in número 855-657-8387 á sákutú-ún tutu nu̠ú internet xí‘in tutu yó‘o org/apply-online.

Ná ka‘vi-ún tutu internet na̠ xi̠kua̠‘á nu̠ú na̠ íntichi xa̠‘á ña̠ vechiñu estado yó‘o

Tia̠a na̠ Office of the Attorney General (na̠ sáchiñu xí‘in na̠ xikua̠‘á nu̠ú na̠ íntichi xa̠‘á ña̠ vechiñu) kua̠‘á tutu xa̠‘á tu̠‘un na̠ vechiñu ra tia̠a-na̠-ña̠ xí‘in kua̠‘á tu̠‘un ká‘a̠n na̠ yuví. Tutu ikán ká‘a̠n xa̠‘á ntisaá ña̠ yó‘o xí‘in xa̠‘á ntiǎyu na̠ chá‘vi ntée-na̠ ve‘e iinka na̠ yuví. Kuvi ka‘vi-ún tutu-na̠ yó‘o atg.wa.gov/landlord-tenant.

Ná ka̠‘a̠n-ún xí‘in número 2-1-1 xa̠‘á iinka kuénta ña̠ kökúvi cha‘vi-ún

Ná ka‘vi-ún tutu internet wa211.org á ka̠‘a̠n-ún xí‘in número 2-1-1 ra saá kuvi ka̠‘a̠n-ún xí‘in na̠ yuví na̠ kuvi kachi-na̠ yoo kúú na̠ kuvi chintieé tá‘án-na̠ xí‘in-ún ná cha‘vi-ún xa̠‘á ña̠‘a tá tu̠‘un ñu‘u ntáye̠‘e̠ nu̠ú-ún chin ña̠‘a kuxi-ún chin kuénta internet chin tá kúú nti‘i ña̠‘a xíniñú‘u-ún.

Last Updated 2021-10

Rent Assistance - Mixteco (MX) - Washington State Department of Commerce

Íyo na̠ kuvi chintieé tá’án xí’in-ún átu kökuvi cha’vi-ún xa̠’á ve’e nu̠ú íyo-ún saá chi xíka kue̠’e̠ COVID-19

Ná ka‘vi-ún tutu internet na̠ xi̠kua̠‘á nu̠ú na̠ íntichi xa̠‘á ña̠ vechiñu estado yó‘o

Ná ka̠‘a̠n-ún xí‘in número 2-1-1 xa̠‘á iinka kuénta ña̠ kökúvi cha‘vi-ún